Advertisement


International

3 août 2010

Sirinam élèksyon jénéral: Pèp-a chwézi sopa moun

sirinam
Mots-clés : , ,

Lé ven senk(25) mè démildis(2010) tout éléktér Sirinamyen té envité chwézi yé riprézantan annan tout yé gran sanblé.

Li gangnen trwa sanblé :  konséy lokal ki ganyen sétsan senkant dé(752) moun, konséy distrikt ki ganyen sanséz (116)moun, parléman ki ganyen senkant ké roun (51)moun.

Dépi lannen milnéfsankatrven onz(1991) chak senk lannen li ganyen éleksyon jénéral.

Sa kou a asou senksan mil(500 000) sirinamyen trwa san trant mil (330 000)moun té an drwa di voté.

Li ganyen pasé swasant dis asou san(70%) moun ki alé voté sa ka ka fé pasé désan trant é roun mil (231 000) moun.

Nou ka raplé zot ki pou nou péi LAGWIYANN pou zafé vot annan konséy réjyonal,lé ventéen mars démildis(21 mars 2010) trant katr mil(34 000) moun rounso ki alé voté asou swasantwit mil (68 000), jiskont senkant asou san (50 %) moun ki enskri.

Pou SIRINAM swasantdis asou san sirinamyen andrwa alé voté, swasantdis asou san élektér ka voté.

Pou LAGWIYANN vensenk asou san moun rounso ki ka viv annan péi yé non marké asou list vot yan, senkant asou san di sa moun yan  pa mém ka déplasé pou alé voté……….

Men rézilta yan annan parléman :

MEGACOMBINATIE di Dési BOUTERSE trapé ventrwa (23) moun

NIEW FRONT di Ronald VENETIANN (sortan) trapé katorz (14) moun

A COMBINATIE di Ronny BRUNSWIJK trapé sét (7) moun

VOLKS ALLIANTIE di Paul SOMOHANDJO trapé sis (6) moun

DOE di  Karl BREEVELD  trapé roun (1 ) moun

Annan konséy distrikt, MEGACOMBINATIE trapé swasant katr(64) moun asou sanséz(116)

Annan konséy lokal, MEGACOMBINATIE trapé katr san disnéf (419) moun asou sétsan senkant dé(752)

La MEGACOMBINATIE ké so lidér Dési BOUTERSE rivé ké patché vwa mém douvan tout sé rot kandida yé trapé roun vayan viktwar, pésonn pa pouvé plédé kont sa.

Li té ganyen pasé san(100) obsérvatér di dé(2) organizasyon enternasyonal OEA (organizasyon ditout nasyon tout lamérik) é KARIKOM (lakominoté di la karayib).Lô la frans ka organizé éleksyon annnou péi LAGWIYANN li pa ganyen pyés obsérvatér pou véyé si tout bagaj ka byen pasé. A konran dépi nanni-nannan li ganyen biro vot ki ka voté touproch san moun asou san moun(100%) pou mém kandida ya ?!!!!!!

Laoland ké lafrans té biské toubonnman travay yé sérvis éspésyal pa té mennen rézilta yé mém té ka éspéré.

Pép Sirinamyen chwézi so réprézantan ké sopa lidé yé pa kouté sa laoland ké lafrans té ka di.

Kou prézidan Larépiblik SIRINAM éli o sifraj inivérsél endirekt asou modél nou présidan konséy jénéral.

fransé ké olandé ya  té ka kontinyé gadé si yé té ka kontré chwa pép Sirinamyen.

Mé awa lô nouvo parléman Sirinamyen kontré yé chwézi dé mandanm pou dirijé yé gransanblé.

Mandanm Jenifer GEERLING–SIMONS di la MEGACOMBINAIE kou prézidant ké mandanm Ruth WIJDENBOSH di NIEW FRONT  ala visprézidans.

Lé dis néf jwiyé démil dis(19/07/2007) sa jou parléman-a chwézi pou éleksyon laprésidans, li té ganyen dé(2) kandida.

Pou laMEGACOMBINATIE, Dési BOUTERSE pou la prézidans ké Robert AMEERALI (an fonksyon kou prézidan di laCCI Sirinamyenn) pou lavisprézidans

Pou léNIEW FRONT; Chandrikapesad SANTOKHI (minis lapolis ké lajistis annan gouvérnéman VENEETIANN) pou la prézidans ké Grégory RUSLAND (minis di richés péi a) pou la visprézidans

Annan parléman Sirinamyen lamajorité a vennsis vwa mé pou to sa éli prézidan ké visprézidan fodré to trapé roun majorité kalifyé di dé asou trwa (2/3) sa ka fé trant katr(34) vwa.

Si parléman pa ka rivé chwézi roun prézidan ké roun visprézidan annan sa kondisyon apré dé tour, lékonséy popilér (parléman plis konséy distrikt plis konséy lokal néf san karant néf « 949 » éli) ki ka chwézi laprézidans ala majorité.

Lalwa Sirinam fét konran pou li ganyen alyans ké diféran fors politik pou travay ansanm-ansanm pou péi a.

Dé DÔKÔ di Nou VWAZEN  LéSIRINAM, Ronald VENEETIAN ké DESI BOUTERSE anvan pouvwar chanjé lanmen

Roun sél tour té sifi annan parléman Sirinamyen pou ki volonté lépép Sirinamyen té fét. Dési BOUTERSE ké trant sis (36)vwa asou senkant (50) té ka pran laswit di Ronald VENEETIAN ki fini so déziém manda.

DESI BOUTERSE, PRéZIDAN

Laoland ké lafrans pouvé bégayé pép Sirinamyen chwézi sopa moun pou mennen zafé so péi pou sé senk lannen ki ka vini.

Si nou ka byen kalkilé nou mém nou tro bokou ka voté  pou kandida ki moun dérô chwézi pou nou.

Sa douz out dé mil dis(12/08/2010) annan éstad ANTHONY NESTY(chanpyon olenpik anna najé LOS ANGELES 1984) roun délégasyon patryot GWIYANé ké alé bay lanmen ké lavwa pou lé pép SIRINAMYEN ki bay ou roun bél lison vayans.

Nou pakô savé ki jou lafrans ké chapé di nou péi LAGWIYANN mé li ké chapé roun jou, pi bono li té ké pibon. Mé nou sir ki rot bô MARONI a toujou ké SIRINAM. Ayé nou té ansanm-ansanm, jodla nou ansanm-ansanm, dimen nou ké toujou ansanm=ansanm.Fo janmen bliyé sa fo nou sasé savé sa ki ka pasé koté yé.

A ROUN LANMEN KI LAVé ROT

ACHIL Arman





 
 

 
titre

Episode 1/3 – La Guyane d’aujourd’hui c’est MOI, demain JE VOTE

la GUYANE compte: 140 000 MAJEURS, 65 000 INSCRITS et 30 000 VOTANTS sur 240 000 habitants donc seul 12,5% de la population VOTE les MUNICIPALES auront lieu les 23 et 30 MARS On peut S’INSCRIRE jusqu’au 31 DÉCEMBRE...
by rotkoze
0

 
 
entete

La Guyane d’aujourd’hui c’est MOI, demain JE VOTE

État des lieux La Guyane compte 140 000 majeurs, 65 000 inscrits sur les listes électorales, et seulement 30 000 votants. Donc sur 240 000 habitants seuls 12.5% votent. Donc avec le problème du faible nombre d’inscrits...
by rotkoze
0

 
 
affiche_fond

A propos des législatives

Comme pour  toutes les élections en Guyane, plusieurs questions se posent. La première est celle de la Démocratie. Du point de vue international, c’est quand il y a élections qu’il y a démocratie. Alors tout va bien, ...
by rotkoze
0

 

 
photo-armand-paysage-small

5 questions au candidat de l’Ouest

1) Pouvez-vous vous présenter brièvement aux lecteurs de ROT KOZE ? Je suis Armand ACHILLE, j’ai 44 ans,  je suis père de famille et gérant de société-consultant en activités minières. J’ai précédemment exercé d...
by rotkoze
0

 
 
photo-fabien-paysage-small

5 questions au candidat de l’Est

1) Pouvez-vous vous présenter brièvement aux lecteurs de ROT KOZE ? Je suis Fabien CANAVY, j’ai 55 ans, père de 2 enfants, je travaille à la DEAL (ex DDE)  où j’exerce en tant que contrôleur de travaux. J’ai été ...
by rotkoze
0

 
 
découpage-législati-bisg

Le compte est bon

Le 18 février 2010, le Conseil Constitutionnel Français ratifiait la nouvelle répartition des circonscriptions électorales des députés, suite à une ordonnance du gouvernement faite en juillet 2009. (source) Le collectif ...
by rotkoze
0

 




Aucun Commentaire


Commentez le premier!


Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Connect with Facebook

Vous pouvez utiliser ces balises et attributs HTML : <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>